ارجو المساعدة الحقيقية

[temon_2002]

في البداية اطلب من اى حد يحاول المساعدة عدم توجيه اللوم على صاحبة المشكلة فبدلا من ذلك الافضل محاولة مساعدتها
هى اختي الكبري..... تكبرني بأربع سنوات..... تعرفت على رجل في مجال عملها.... انسان محترم الي ابعد الحدود"حسب وصفها" رجل بمعنى الكلمة .... وجدت فيه الشخصية الناضجة العاقلة ..... المشكلة انه متزوج.... وقد اعترف لها بحبه لها.... هى تحبه جدا ورفضت كلامه رفضا قاطعا..... هى تحبه جدااا ولا تستطيع الابتعاد عنه........لا تريد منه سوى سماع صوته والاطمئنان على احواله.... هو حبها الاول.... يكبرها بعشر سنوات..... لا استطيع مساعدتها ابدا.... فهي شخصية رومانسية وغير مندفعة اطلاقا..... اراها تتعذب اذا ابتعد عنها بحكم الظروف ...... فهو متزوج ...... ماذا افعل لها؟؟؟؟؟؟؟ ارجو الرد السريع

[maloka]

من رايي ان الحب مافيش فيه كبير عنها بكذا الحب تعاون وتعارف وتراحم وديمقراطيه فى نفس الوقت

بس الموضوع خطا من الاول لانها طبعا كانت عارفه انه متزوج يعنى الغلط غلطها

والمفروض ان كل واحد يتجمل مسؤليه اختياره

فلا تتعذب لانها هى اللى بتعذبكم بايدها


بس زى ماانت بتقول هيه بتحبه من طرف انها تسمع صوته وتطمن عليه

فهذا الحب ليس حبا بل اعجاب هذا من وجهه نظرى


ويارب اكون فيدتك وربنا يوفق الجميع فى احسن الامور والتوجيه الصح

ربنا يعقلها

[رامى]

صراحتا المشكله صعبه جدا جدا جدا ولاكن من الممكن ان تبعد عنه بانها تبتعد عن عملها وتجد عمل اخر
وتحاول ان تجد من يحبها حب حقيقى ولاكن تبحث فى من حولها فسوف تجد من يحبها ممكن يكون هذا الحل
مش عارف ................

[temon_2002]

شكرا يا جماعة على ردودكم ....... بس بجد انا محتارة جدا ومش عارفة اقولها ايه؟؟؟؟؟ كل ما احاول ابعدها عنه تقول انها مش طالبة منه اي شئ غير انها تبقي موجودة في حياته..... بمعنى انها تتطمن عليه وهو يسأل عليها........ انا احترت بجد

[رامى]

طيب ماتحاولى تكلميه انتى وتخليه يبعد عنها ممكن يسمع كلامك انتى

[SmSm]

ولية الكلام دى كله ملهاش الى حل واحد

انة يرمى الطلاق على زوجتة الاولنية

ازى كان بيحبها زى مهوا بيقول يوافق

ولا اية ياجماعة وانا عارف انة عمرة مهيعمل كدة

الى ازى بيحب اختك اوى جربى

ولوا حصل يبقى الف مبروك لاختك

وشكرا لطرح مشكلتك لينا

واحنا تحت امرك

فى اى وقت

[maloka]

لا طبعا يا smsm
الطلاق ليس هو الحل احنا بكدا ندمر اسره ماكنش لها زمب

الخطا لاخته وله هو فالمسؤليه لهم الاثنين وممكن تنحل ولكن بالعقل

البعد هو الحل لان انا فى اعتقادى انه ليس حب بمعنى الحب الحقيقى

[lost love]

لا ياسمسم الطلاق عمره مكان حل ابدا

بص دى دايره مقفوله هو ومراته وعياله

يعنى هى هتكون دخيله عليهم ولو دخلت الدايره تتقطع والعيله تتهد

حلها انها تبعد تبعد تبعد

تروح اى حته وشغل هو مش فيه

ومع الايام والصبر هتنساه

انا عارفه ان حبها دا مش باديها ولا بايده بس هو كمان غلط انه خان مراته اللى مستأمناه وحب غيرها

حلها البعد والصبر

هتنساه لو عندها اراده وربنا هيعوضها خير عنه

دا رأيى واتمنى اكون افدت

[الزهرة البرية]

اختى فى الله آسفة ان ردى اتأخر شوية
اعلم ما انتى فيه من مشكلة
ولكن سأطلب منكى أن تسألي صاحبة المشكلة هذه سؤال لو كانت مكان الزوجة ماذا سيكون رد فعلها
بعد عشرة سنين تجد نفسك زوجك يتركك ليتزوج عليك وانت اعطيته كل حبك
او كنتى مكان اطفاله هل ترضين ان يخطف احد والدك منك ان ترى دموع امك ولا تقدرين
ان تفعلى لها شيئا انكى تضعين نفسك موضوع شبهات اتهلمين ما سيقوله الناس عنكى لا اريد ان اجرح مشاعرك
سؤال آخر ما نهاية هذه الحب استتزوجيه اترضين ان تكونى زوجة ثانية اترضين ان تكونى مجرد بنسيون يأتى لكى زوجك ثلاثة ايام فى الاسبوع
استرضين اختى؟
استتحملين نار الغيرة؟ استرضين ان يشارك قلب زوجك احد غيرك؟
اعلمى كما رضى هو واحب على زوجته من الممكن ان يحب عليكى انتى ايضا
فكما تدين تدان
ومن الممكن ان تكونى مجرد نزوة فى حياته بنت صغيرة يريد ان يحس معها انه مازال شاب صغير ولم يكبر فى السن
واريدك ان تسأليه وتخيريه بينك وبين زوجته
فلو اختار زوجته فاعلمى انكى مجرد نزوة فى حياته
ولو اختاركى انتى فاعلمى انه لم يصن عشرة زوجته فكيف ان يصونك انتى؟
ولو اختاركم انتما الاثنين فاعلمى انه طماع شهوانى لا يحب سوى نفسه
وفى كل الحالات ستكونى انتى الخاسرة ومن سيجرح قلبه انتى فقط
وتقولين كل ما تريده هو سمع صوته فلا اظن هذا حب فانه عذاب والحب اذا لم يكن نهايته الزواج فهو محكوم عليه بالموت
وتقولين يكبركى بعشرة سنين فانتى رأيت فيه الشخصية الناضجة كحب اغلب الفتيات للمدرسين فهو مجرد اعجاب
ابعدى عنه وستنسيه فهو ليس حب وغدا ستقبلين شخص يحبكى حقا وتحبيه ويكون قريبا منكى سنا وتكونين اول نصيبه
فمن نعم الله علينا النسيان وان كان اوله صعب واستعنى بالله فهو المعين
وأسأل ان يرزقكى الزوج الصالح باذن الله
هذا رأيى اختى فى الله
فتقبلى مرورى وقلبى معاكى

[nfrtary]

بجد كلام جميييييييل جداااااااااا يا زهره
وانا مش هزود كلمه واحده عليه
كل اللى قلتيه فعلا صح
واسال الله ان يوفقها وتعمل بما قلتيه لها
وان يجعل نصيبها فى الطيب دائما

[رامى]

جزاكى الله خير الجزاء زهره
احسنتى الرد واختيار الكلمات

[الزهرة البرية]

برنسيس
دارك مان
شكرا على ردودكم
وربنا يوفقها لما يحبه ويرضاه

[zoza]

المشكله دى ملهاش غير حل واحد

ومن غير كتر كلام

هى اختك تبعد خالص عن الشخص هذا

لانه خان مراته وال يخون ما يعرف يحب

ورااى الزهره جميل جداا بردوومفيش كلام بعد كدا