::..:: دعـــــــــ،ــــوة لـــلــــــجــــــمــــــــــــيـــــــــــع ::..::

ra7al · 08-13-2008, 03:15 PM

ازيكم كلكم يا شباب و يا بنات ؟

يا رب دايما و ابدا تكونوا بخير ..

نخش في الموضوع .......

انا عازمكم كلكم ..

كل شباب المنتدي ,,

و كل بنات المنتدي ,,

لا و كل اعضاء المنتديات التانيه كمان ..

و كل الناس لو امكن..

( طيب ماشي بس بالراحه علينا )

( مش نعرف الاول احنا معزومين علي ايه )

هعرفكم متقلقوش ..

انا عازمكم كلكم كده -- بربطة المعلم زي ما بيقولوا -- علي نفسكم ...

( نعم يا خويا علي ايه )

ايوة علي نفسكم زي ما سمعتكم كده يعني بس ادوني فرصة اوضح ..

( طيب وضح )

اوك . هوضح ..

لو انا عزمتكم مثلا مثلا يعني علي سينما .. لو انا عزم 100 شخص منهم

حوالي 95 % هيقبل الدعوة ( ابو بلاش كتر منه) و ممكن كمان 100% يقبلوا

الدعوة ,,,

و نفس الكلام لو انا عزمتكم علي سهرة حلوة كده و لا حاجه ,,

و برضو لو عزمتكم علي الغدا و ربنا يستر و محدش يفهمني غلط ,,

طيب لو انا عزمتكم بقي علي نفسكم ..

( يعني ايه علي نفسنا يا عم )

اصبر و انا هكمل ..

لو عزمتكم علي نفسكم بمعني ان كل واحد يدخل جوا نفسه .. و يقعد كده و

يتعيش مع نفسه . حتي لو لمدة 5 دقايق ..

يتفرج علي شريط حلو كده اللي هو شريط حياته ..

يحاول يسترجع الذكريات الجميله ..!!

الذكريات ( سوري في الكلمه ) المهببه ,,

ايوة المهببه , , ,

مفيش واحد مننا مش بيغلط يا جماعه ..

مفيش واحد مننا مش عنده ذكريات زي ال....-- ولا بلاش -- ذكريات

اليمه و خلاص ,,

مفيش واحد مننا مش عنده اكوام و جبال من الذنوب . . .

عشان كده انا فكرت ان اعزم كل واحد انه يتفرج علي شريط حياته ..

و لو الشريط عجبه يعرفنا هنا في الموضوع ده و يقول انا فعلا شفت

الشريط و الشريط عجبني ..

هنا بقي هنباركله و مش هنقوله يعمل اي حاجه تاني ,,,

اما بقي لو الشريط مش عجبكم ..

ممكن نعمل ايه في الحاله دي .

ممكن نبدل الشريط ..

طيب ازاي ..
عارفين ازاي ,,

بسيطه

ربنا سبحانه و تعالي بيقول ,,

(( إلا من تاب وآمن وعمل عملا صالحا فأولئك يبدل الله سيئاتهم حسنات ))

يبدل الله سيئاتهم حسنات .. يعني كل الاكوام و التلال الذنوب اللي عندك

دي ممكن ربنا يبدهالك بحسنات بس ايه المطلوب .. التوبه ..

الا من تاب و آمن و عمل صالحا ..

و اهو رمضان قرب .. و طبعا رمضان فرصة عظيمة جدا كبيرة جدا جدا ,,

و ربنا سبحانه و تعالي دايما باسط يديه . بالنهار ليتوب مسيء الليل و

بالليل ليتوب مسيء النهار ..

دعوة يا شـــــــــــــــباب

دعـــــوة للحـــــــــــــــــب

دعوة للـــصدق مع الـــنفس

دعـــــــــوة للـــــــــــــــحياة

دعوة لكل واحد يسترجع اللي فات و يرميه ورا ظهره

دعوة لكل واحد يبدأ من جديد

حياة جديده

حياة مليانه حب للناس و حب للخير و الغير

حياة مليئة بالتفاؤل

حياة مليئة بالطاعه

حياة مقتصرة علي طاعة الله

اتمني ان كل واحد يحاول حتي محاوله انه يقعد بينه و بين نفسه و يراجع

حساباته

يدور و يشوف ايه سلبياته و يعالجها

و ايه ايجابياته و ينميها

و احب اذكركم بقوله تعالي

( وإذا سألك عبادي عني فإني قريب أجيب دعوة الداعِ إذا دعانِ

فليستجيبوا لي وليؤمنوا بي لعلهم يرشدون )

يا ريت بقي كل واحده توصله الدعوة يقولي هيقبل الدعوة ولا هيرفضها

و كل واحد يقبل الدعوة يحكيلنا عمل بيها ايه

يعني مش عاوز حد يرد بعد ما يقرأ الموضوع

لا انا عاوز كل واحد يقبل الدعوة الاول ..

و يروح المكان اللي اتفقنا عليه ..

و بعد كده يجي يرد و يحكلنا عمل ايه في المكان ده..

و يلا بقي .. اشوفكم بصحة و سعادة دائما ان شاء الله ..

Amr soliman · 08-13-2008, 03:28 PM

يارحال</span>

وانا قبلت دعوتك

فعلا الواحد محتاج يقعد مع نفسه شويه عشان يعيد تفكيره فى اشياء كتيره

اشياء المفروض انها ماتكونش موجوده او على الاقل نحاول نتلافى الاشياء دى ونبعدها عننا

موضوع رائع يارحال وفعلا فى مكانه الصح فى قسم الحب

تقبلى اعجابى الشديد بكلماتك وبموضوعك الهايل</span>

أسيرة الذكريات · 08-13-2008, 04:44 PM

دعوة للجميع

انها دعوة للجلوس مع النفس

دعوه لاسترجاع مافات وتصحيح ماهو ات

مااحلاها من دعوه

وما اروعها من فكره

انها دعوة حق وفعل للخير

وسعى نحو غد افضل من ماض سيىء

حقيقى من اجمل الدعوات اخ رحال

وانا واحدة من الناس اللى اتصالحوا مع نفسهم وحاولوا يفهموها

والتغيير شىء جميل لما بيكون للافضل
Ra7al

دمت بكل خير وود

ودام لنا فكرك الرائع

تحياتى لك

أسيرة الذكريات · 08-13-2008, 04:51 PM

ملحوظة ..
<div>
<table style="filter:GLOW(color="brown",strength=#+6)">
<font color="yellow">
تم تثبيت الموضوع</table>
</font></div>

تحياتى

ra7al · 08-14-2008, 12:26 PM

<div class='quotetop'>إقتباس(Amr Soliman @ Aug 13 2008, 03:28 PM) [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]</div><div class='quotemain'>في انتظارك مرة اخري ..*

لحياه أفضل · 08-14-2008, 01:06 PM

<div align="center">بصراحــــــــة موضوع رااااااااااااااااائع يا رحال

وشـــــــيء مــش جديــد عليك تميزك وروعة ابداعك

وحـــــسن اختيارك لــــــــــــــــــــــكل موضوعاتك

انا طبــــــــــعا قبلت دعوتـــــكـ

دعـــــــــوة كان نفسي اتلقاها من زمان

لكــــن الحمد لله برضه جت في وقتها

الواحد حاسس انه مقصر شوية

ومحتاج دفعـة قوووووووووية جداااا

وكمان شهر القرآن ع الأبواب

ومحتاجيــن نــبدا من اللحظة دي قبل اللي بعدها

ومحتاجيــن إننا نتعاون وننجـــز ياكبر قدر مستطاع

ان شاء الله راجعة تاااااااااني

عشان اقولك عملت ايه بالدعوة

كــــمـ أنــت رائـــع Ra7al

وكـــمـ هي متميــزة موضوعاتك

في انتظارك داااائما

وفي انتظار موضوعات الشيقة </div>

ra7al · 08-14-2008, 02:56 PM

<div align="center">في انتظارك مرة اخري ..*

</div>

أسيرة الذكريات · 08-14-2008, 03:01 PM

اشكرك رحال

انا من فتره حسيت انى مقصره فى بعض اشياء

زى المزاكره السنه اللى عدت دى

والعبادات احيانا

اكيد بصلى وكل شىء

بس قراءة القران كنت تركتها

وده ضايقنى كتيييير جدا

وعلشان كده عملت دعوة للمنتدى لمشاركتى فى ختم القران والرجوع اليه

والحمد لله بداوم على قرائته كلما وجدت الوقت لذلك

والسنه الجايه بالنسبه للدراسه

ناويه باءذن الله انى اجتهد واهتم اكتر من كده

والسنه الجايه تقديرها هو اللى بيضاف للتقدير العام

وعلشان كده محتاج مجهود اكبر وجديه

تحياتى لك اخى

نور الحياه · 08-14-2008, 08:36 PM

وانا قبلت الدعوة يا رحال
دخلت جوة قلبى وقلبت صفحة الذكريات لقيتها ولا بلاش
لكن عندى امل كبير فى عفو ربنا وتسامحه

اغرب شىء ان انا حافظة القران الكريم ومع ذلك
تالتة ثانوى خدتنى من القان لانى اشتغلت كاير بالمذاكرةعن مراجعة الحفظ
لكن دى الوقتى والحمد لله بدأت اراجع من تانى والحمد لله رجعت للمستوى اللى كنت فيه فى الحفظ
بشكرك يا رحال

نور الجنه · 08-15-2008, 01:46 PM

ميرسي ي رحال علي دعوتك
طبعا انا قبلت الدعوه
بس انا بعمل كدا دايما الحمدلله
يعني كل فتره بحاول اقعد مع نفسي واشوف
ايه اللي عملته صح وايه اللي عملته غلط في فتره معينه
علشان كدا تلاقيني كل فتره اطلب من كل اللي اعرفهم تقريبا يسامحوني علي اي حاجه عملتها او قولتها من غير قصد
اه صحيح ساعات بيقولوا عليا "مجنونه "وكدا ههههههههه
بس بجد بستريح بعدها كتييييييير
لاني ببقي عارفه انه الحمد لله مفيش حد زعلان مني ولو كان في حد زعلان فالحمدلله ربنا هداني وصالحته

يمكن الفتره دي بمر بحاجات كتيييير اوي
بس في حاجه واحده بس بتمني ان ربنا يساعدني فيها ويهديني فيها لما يحبه ويرضاه لانها بجد تعباني اوي

اسفه للاطاله
بس بجد بهنيك علي موضوعك الاكثر من هايل
دام لنا تميزك
تقبل مروري

ra7al · 08-20-2008, 06:03 PM

كم هو متميز وجودك بيننا دائما يا حياة ..

و كم هي متميزة ردودك و كلماتك ..
<div class='quotetop'>إقتباس</div>

اقتباس:

انا طبــــــــــعا قبلت دعوتـــــكـ

دعـــــــــوة كان نفسي اتلقاها من زمان

لكــــن الحمد لله برضه جت في وقتها

الواحد حاسس انه مقصر شوية

ومحتاج دفعـة قوووووووووية جداااا

وكمان شهر القرآن ع الأبواب

ومحتاجيــن نــبدا من اللحظة دي قبل اللي بعدها

ومحتاجيــن إننا نتعاون وننجـــز ياكبر قدر مستطاع

ان شاء الله راجعة تاااااااااني

عشان اقولك عملت ايه بالدعوة[/b]

في انتظار عودتك مرة اخري ..

لحياه أفضل · 08-20-2008, 06:47 PM

<div align="center">بســـــمـ الله الرحمــن الرحيــمـ </span>

اول حاجـــة التقصير في العبادة
ده شـــيء مفروغ منه وربنا يسامحنا عليه
" سبحانك ما عبدناك حق عبادتك "
" لا إله إلا أنت سبحانــك إني كنت من الظالميــن "
" اللهــمـ إن رحمتك وسعت كل شيء وأنا شيء فإجعلني اللهمـ في رحمتك "

امـــا عن حياتــي
زعلانــة من نفسي عشان مقصرة في حق اصحابي
انشغلت عنهم في الاجازة دي كتيـــــــــــر
سافرت كتير وانشغلت في البيت وفي المنتدى
وحاســة اني برضه مش اديت المنتدى حقه
وبقالي كتــــــير مش زرت عمي .. هو اه بيجي عندنا بس انا مش رحتله من مده
وعلى قد ما بقدر بسافر اشوف عماتي واسال عليهم
وفي ناس كده غلطوا في حقي وفي حق اعز واغلي الناس عندي
وانا بحاول اتجنب التعامل معاهم تجنبا للمشاكل
بس برضه هما قرايبي وخايفة تكون دي قطيعة بيننا

هو انا مش عارفة ارضــي كل الناس
بس كمان مش لاقيـــــة نفسي وكتير بلاقي نفسي متضايقة
فبحاول مش اضايق حد معايا
وانا والله مش بخرج علشان كده مقصرة مع الناس دي كلها
بس مش هينفع تكون علاقتنا تليفونات
بس بــــــــجــــــــد يعني وده وعــــــد منـــي

هتصــــــــل النهاردة بكل عماتي
وهزور عمي ان شاء الله النهاردة او بكرة بالكتير
وهكلم كل اصحابي او هبعت لهم رسايل قبل ما اكلمهم جايز تشفعلي عندهم
وان شاء الله اخد بالي بعد كده ومش اغيب عن حد فيهم

بجـــد كانت فرصــة جميلــة يا رحال
وكانت لحظة مهمــة
يمكن انا بقعد مع نفسي كتير وبتكلم معاها
لكـــن لما اتكلمت معاكم وصارحتكم بااخطائي
فده ان شاء الله التـــــــــزاااااااامـ انه لابد اصلح الاخطاء دي

شكرا يا رحال بجد
كانت دعوة ممتعة جداا ولحظات جملية اني افتكر فيها حياتي
وانا حاولت افتكر تقصيري قبل اي شيء
لانه هو اللي هيدفعنــي لقــدام

معــــــا ..... لحيــاة اقضــل باذن الله
</span></span></div>

ra7al · 08-24-2008, 05:25 PM

اهلا بعودتك مرة اخيري اسيرة الذكريات ..

و كم هو جميل ان نعترف بأخطاءنا ..

و لكن الاجمل هو ان نتعلم من تللك الاخطاء .. و ان نتجنبها ..

اتمني لكي التوفيق في دنياكي و اخراكي ..

ra7al · 08-24-2008, 05:30 PM

<div align="center">اهلا بكي نور الحياة ..

اتمني من الله ان يضيء حياتك و ان يتقبل دعائك ..

<div class=\'quotetop\'>إقتباس</div><div class=\'quotemain\'>لكن عندى امل كبير فى عفو ربنا وتسامحه[/b][/quote]

انتظرك دائما هنا في هذه الصفحه . . .

لتعبري عما بداخلك و لكي تعثي اليها نورا جديدا ..

</div>

lost love · 08-25-2008, 07:16 AM

والله يارحال فرصه حلوى اوى ودعوه جميله

بس انا الحمد لله بقعد مع نفسى كل فتره

اعرف قصرت فى ايه واحاول اصلحه

فعلا لان دا الصح

بس انا لما انت قلت فتحت حياتى مر ادامى الالبوم بتاعها

والحمد لله يفرح

الايام دى مقصره حبه فى العبادات
بس ناويه بازن الله ربنا يعينى واصلح كل دا

بس كمان مقصر فى حق نفسى اوى برهقها بالتفكير الجامد
بوصل اوقات لانى عقلى الباطن شغال وانا نايمه
بفكر فكل حاجه وفكل كلمه

دا غلك انا عارفه بس هعمل ايه

مريت بفتره صعبه اوى من تعثر فى الدراسه لانى معايا ماده وانا بكالوريوس

وقبل النتيجه خالى مات

وبعد دول انفصلت عن الانسان اللى حبيته

الفتره اللى فاتت كانت ملخبطه بجد

بس الحمد لله رجعت وقفت على رجلى تانى

فدا ياسيدى الشريط المهبب

بس اجمل حاجه انى وقفت على رجلى وهرجع تانى ايمان القويه

دا المهم

رحال توبيك هاااااااااااااااااايل

تحياتى لانك اديتلنا الفرصه دى

واسفه عالاطاله

واسفه كمان عالصراحه اوى

تحياتى

5 آخر مواضيع بواسطة ra7al
الموضوع	المنتدى	آخر مشاركة بواسطة	الردود	المشاهدات	آخر مشاركة في
آداب آلمنتدى من الألف الى الياء	.:: منتـــدي الترحيب ::.	ra7al	2	36	08-02-2009 05:22 PM
يا تري هو مين اللي عليه العين	العاب المنتديات	:.: Solitair :.:	5	55	08-01-2009 05:28 PM
اكبر قاموس لمصطلحات المطبخ	.:: منتدي اللغات ::.	ra7al	0	21	08-01-2009 03:45 PM
\| .. ـتَِـهيِـــًـــيُــِـــَسِـ .. \|	النكت والدردشة	-=smile=-	13	94	07-31-2009 01:07 AM
\|\| ... رغـمـ كلـــ شـيء ...\|\|	.::المواضيع العامة ::.	جارة القمر	5	49	07-29-2009 04:15 PM

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

		يلا حب مملكة الحب > [ القسم العام ] > .:: المنتدي الأدبي ::.
::..:: دعـــــــــ،ــــوة لـــلــــــجــــــمــــــــــــيـــــــــــع ::..::

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات

::..:: دعـــــــــ،ــــوة لـــلــــــجــــــمــــــــــــيـــــــــــع ::..::

كلام في الحب والرومانسية ... كيف تصبح رومانسيا