الحسد من الصفات الخبيثه والسيئة جدا ممكن حد حاسد يوديك ورا الشمس وممكن حد عنيه قوية يوديك تحت الارض وعنيه تسببلك أمراض ملهاش علاج
ممكن تكون لفيت ودوخت على الدكاتره وفي الاخر مفيش علا ج
ممكن يكون حد ادالك عين يامعلم
قبل أي حاجه لازم نميز بين الحسد والعين
الحاسد بيحسد اي حد وفي أي مكان مش شرط يكون يعرفك او شافك قبل كده ممكن مجرد بس ما سمع حاجه عنك يحسدك
الحاسد ممكن يحسدك عن بعد العائن لازم يشوفك قدامه
عكس العين لازم اللي بيديك العين قدامك او شافك قبل كده العين سهم من سهام ابليس اه في ناس عنيها فتاكه ممكن تدمر كل حياتك
العين تدخل الرجل القبر
الحاسد او العائن ممكن يحسدك علي أي حاجه صحة مال جمال اولاد ضحكه حتي العبادة بتتحسد فيها
الحسد هو تمني زوال النعمة
يعني حد يقول اشمعنا ده معاه فلوس كثير وانا لاء اشمعنا عنده صحة وانا لاء اشمعنا مرتاح البال وانا لاء واقيس علي كده حاجات كثير اوى
طيب عاوزين نعرف علامات الحاسد
١_ عنيه بتكون فيها لؤم وخبث أي حد يقدر يشوف كده في عنيه
٢- دايما عاوز يعرف اخبارك ويعرف كل حاجه عنك عيالك عاملين ايه عامل ايه في شغلك اكلت ايه النهارده بس ميز كويس ممكن يكون عاوز يعرف كل حاجه عنك حب لك ههه
٣_ هتلاقيه دايما بينتقدك في وسط الكلام حتي لو كان علي سبيل الهزار
٤_ هيقلل من نجاحك
٥_ شخصية بتجيد التمثيل والغش والخداع
٦_دايما بيتكلم عليك بطريقة وحشة
هي علامات كثيرة جدا بس دى ابرز العلامات محتاجه فديو لوحدها
اسباب الحسد
١- الحاسد بيتمنى زوال النعمة
٢- الحاسد يتمنى امتلاك النعم المملوكة المحدود وعايز النعم تزول عنه
٣_ الحاسد يتمني زوال النعمة عن المحسود بسبب كره ليه وبغض في القلب لعدة اسباب ممكن يكون ظلم الحاسد او المحسود بيعمله معاملة سيئة
٤- الحاسد مبيتمناش النعم للغير عشان مش عاوز يتساوي معاه في النعم
٥_ الحسد المحمود يتمني الحاسد امتلاك النعمة ولا يتمني زوالها عن المحسود
٦- لو حصلت لك مناسبة سعيدة مش هيهنيك ولا هيفرح لك بالعكس هيضايق
علامات الحسد
١_ الإصابة بالامراض العضوية الغير معروفة
٢_ الإصابة بالامراض النفسية اكتئاب مثلا
٣_ الكسل والخمول
٤_ التوتر والقلق والملل
٥- دايما اطرافك بتكون مثلجه
٦_ الشعور بالتمنيل
٧_ كثرة النسيان
٨_ إهمال المذاكرة والدراسة والعمل
٩- وود تقل في الأكتاف وصداع دائم وتقل في الرأس
١٠_ بيكون دايما تعبان ومرهق بدنيا بدون اسباب عضوية او مرض
١١- فقدان الشهية
١٢ ارتفاع درجة الحرارة أثناء الرقية الشرعية
اذاي تقي نفسك من الحسد والعين
١ _ ماتتكلمش عن حياتك الخاصة كثير خاصة قدام الحاسد وبلاش احسن تتكلم عن حياتك خالص انا اعرف ناس بيحكوا كل حياتهم ويومهم بالتفصيل الممل
٢_ متكلمش عن خططك المستقبلية قدام اي حد الا لو واثق مليون في المية حب الشخص ده لك
٣_ تجاهل الحاسد
٤_ تحصين نفسك والتحصين بيكون ب
١_ المواظبة علي الصلاة في مواعيدها
٢- سماع الرقية الشرعية
٣- المواظبة علي اذكار الصباح والمساء والنوم
٤_ قراءة الأدعية التي تحمى من الحسد والمعوذات
٥_ المحافظة علي الوضوء والطيارة
٦_ المواظبة علي الاغتسال بشكل يومى
٧المواظبة علي قول حسبنا الله ونعم الوكيل
٧_ عمل طاقة إيجابية حول الجسم عن طريق فعل الخير
استخدام المسك الاببض وده ممتاز في علاج الأمراض الروحية وعمل هالة ضوئية إيجابية حول الجسم
طيب هو ممكن يا مصطفى حد يكون عينه وحشة وميعرفش اه ممكن طبعا ده في ناس ممكن تحسد نفسها او تحسد عيالها اه والله ذي ما بقولكم كده عشان كده أي حد بيشوف حاجه جميلة يقول دايما بسم الله ماشاء الله تبارك الله لا حول ولا قوة الا بالله
وبصفتي دايما بتسحد هوريكم حصل ايه في اللاب ده مش عين دي شرار قسمت الشاشة نصين العين فعلا فلقت الحجر هههه قصدي فلقت اللاب هههه
وفي النهاية احب اقول نصيحة لكل حاسد خليك في نفسك احسن وبطل تبص على رزق الناس انت متعرفش ربنا مديه ايه وواخد منه ايه ربنا بيوزع الأرزاق بالتساوي الرزق مش فلوس وبس